У новай кнізе Віктара Шніпа чатыры раздзелы. Першы - балады, у якіх адлюстроўваюцца шматвекавая гісторыя Беларусі і лёсы славутых людзей, якія жылі, працавалі і змагаліся за яе незалежнасць і росквіт. "Дарога да Храма" - другі раздзел, які складаецца з лірыка-філасофскіх мініяцюр і вершаў, у якіх ёсць і слёзы, і любоў, і самота, і смех, цнота і грэх... У трэцім раздзеле - вершы пра каханне, сяброўства і вернасць. Чацьвёрты раздзел - вэрлібры і белыя вершы, у якіх паэт глядзіць на свет вачамі філёзафа.

Паэтычныя творы для дадатковага чытання ў 9 класе.